Manusutvikling for seriar

Den internasjonale oppblomstringa av kritikarroste og populære TV-seriar sidan tusenårsskiftet er blant dei viktigaste utviklingstrekka på kulturfeltet dei siste tiåra. Nordisk-produserte tv-seriar er i vinden, og det er venta at det blir høg aktivitet dei komande åra.

Masterprogrammet i manusutvikling for seriar er ei spesialisert utdanning i manusskriving for serieformat. Studiet gjer deg i stand til å utvikle idear og manus for ulike produksjonar til tv og web. 

På dette studiet er vi opptatt av å finne ut av: 

• Korleis fungerer ulike kreative prosessar og metodar? 
• Korleis kan ein best organisere skrivearbeidet på ulike typar produksjonar og ulike typar serieformat? 
• Kor foreinleg er kvalitet og popularitet, og kva er det ulike aktørar på marknaden er mest opptatt av?