Kulturminneforvaltning - masterstudium

Kulturminne er både reint fysiske spor frå fortida og det meir immaterielle som kunnskapar og ferdigheiter, skikkar og tradisjonar. Masterstudiet i kulturminneforvaltning har fokus på både dei materielle og immaterielle sidene av kulturarven og dekker heile spekteret frå å finne, studere, bevare, tolke og formidle spor frå fortida. NTNU er den einaste lærestaden i Noreg som tilbyr eit tverrfaglig studium slik dette programmet er lagt opp.

Masterprogrammet er profesjonsretta med tette band til praksisfeltet. Denne utdanninga gjer deg til ein godt kvalifisert kandidat for forvaltning, museum og andre institusjonar som arbeider med bevaring og formidling av kulturminne. Aktuelle arbeidsstader etter avslutta studium vil vere innanfor offentlig forvaltning (kommune, fylke, stat), museum og andre institusjonar, organisasjonar og konsulentfirma relatert til kulturminne, i tillegg til undervisning og forsking.